Mkude kusubiria vipimo zaidi

Mkude kusubiria vipimo zaidi

By Missima/ Mon, Jun 9 Fri 2020

Daktari wa timu, Yassin Gembe amesema kiungo Jonas Mkude ambaye amepata majeraha baada ya kuumia katika mechi ya kirafiki dhidi ya KMC hapo jana, atapaswa kusubiri vipimo zaidi ili kujua ukubwa wa jeraha hilo. Aidha, amesema licha ya kusubiri vipimo hivyo kiungo huyo anaendelea vizuri. Mkude alikimbizwa katika Hospitali ya Rabininsia Memorial baada ya kuumia dakika ya 53 katika mchezo huo ambao ulimalizika kwa kushinda mabao 3-1. "Mkude kwa sasa anaendelea vizuri na ametoka hospitali, isipokuwa anahitaji kufanyiwa vipimo zaidi," amesema Dk. Gembe. Taarifa zaidi kuhusu hali ya Mkude zitaendelea kutolewa katika Tovuti hii kwa jinsi zitakavyopatikana.